CBI-in freelance defence journalist an man

Central bureau of investigation (CBI) chuan freelance defence journalist Vivek Raghuvanshi leh Navy commander hlui Ashish Pathak chu enthlatua puhin an man.

Thawhlehni khan CBI chuan journalist Raghuvanshi nena inzawmna nei nia an sawi hmun 10 chuang an dap. Raghuvanshi hi national security kaihhnawiha information-te dik lo tak hmanga neih ṭhin leh, heng information-te hi foreign intelligence agency-te hnena hrilh ṭhinah an puh a ni. Raghuvanshi hi international defence news website-ah India correspondent a ni bawk a ni.

CBI official chuan enthlatua puhna thubuai hian nikum December 9 khan ziahluh a ni tawh tih sawiin, hemi kaihhnawihah hian Delhi, Noida, Gurugram leh Jaipur-a hmun hrang hrangte chu an dap tih a sawi.

Raghuvanshi hi Defence Research and Development Organisation (DRDO) defence project leh an hnathawh chungchanga information kimchang tak dan loa lakkhawmnaah a inhnamhnawih nia puh a ni.