May 28-ah Parliament building thar hawng dawn

Parliament bulding thar chu May 28-ah prime minister Narendra Modi-a'n a hawng dawn.

Lok Sabha Secretariat chuan a building sak hna hi zawhfel a nih tawh thu sawiin, Lok Sabha speaker Om Birla chuan Parliament Building thar hawng turin PM hi a sawm a ni.

Parliament building hman mekah hian Lok Sabha-ah member 543 ṭhutna leh, Rajya Sabha-ah member 250 ṭhutna a awm. Mahse building tharah hian Lok Sabha-ah member 888 leh Rajya Sabha-ah 384 ṭhut theihna tur siam a ni. Parliament in hnih joint session chu Lok Sabha chamber-ah neih ṭhin a ni ang.

Kum 2020, December 10 khan PM Modi chuan Parliament building thar sakna tur lungphum a phum a, hun rei lote chhungin ṭha tak siin sak zawh a ni tih Lok Sabha Secretariat chuan a sawi. Nikum July thla khan PM hian Parliament bulding chunga National Emblem dah chu a lo hawng tawh bawk.

Building sak hna hi Tata Projects Ltd-in a thawk a ni. Rs vbc 970 senga sak niin, a hmun hi sq mt 65,000-a zau a ni.