Nawrh huaihawt mek wrestler-te hun tiam a zo

New Delhi-a Jantar Mantar-a thla khat dawn nawrh huaihawt tawh, wrestler-te chuan Wrestling Federation of India (WFI) president Brij Bhushan Sharan Singh man phuta sorkar hun an pek chu nimin khan a zo.

Wrestler-te chuan WFI President hi wrestler ṭhenkhat chungah mipat hmeichhiat lam hawia mawi lo taka cheah an puh a, hremna pek an phut a ni.

April 23 aṭang khan Jantar Mantar-ah hian nawrh an huaihawt ṭan a, Singh hi man ngei phutin May 21 thleng an thil phut tihhlawtlinna atan sorkar chu hun an pe. Nimin khan an hun tiam hi a zo a, hma an lak zel dan tur an puan leh thuai rin a ni.