Rs 2,000 thleng chungchanga RBI thuchhuah lakah PIL thehlut

Reserve Bank of India (RBI) in Rs 2,000 banknote tihtawp a nih dawn avanga bank-a thleng turte tan, slip leh identity proof a ngai kher lo tia a sawi chungchangah Delhi High Court-ah public interest litigation (PIL) thehluh a ni.

Advocate Ashwinin Kumar Upadhyay chuan petition hi thehlutin, slip leh ID proof nei loa note thleng phal lo turin a ngen. Hei bakah hian Rs 2,000 note chu mahni bank account-ah chauh deposit phal turin a ngen bawk. Note thleng tur chungchanga RBI ruahmanna siam chu mumal lo leh thil awm lo tak a ni, tiin a sawi.

Upadhyay chuan Rs 2,000 note chu firfiak, Moaist, drugs smuggler leh eirutute'n an lo chhephrelh theih a ni tiin, tunhnaiah sorkar laipuiin chhungkaw tinten Aadhaar card leh bank account an neih tawh thu an puang a, hetih laia RBI-in identity proof a ngai kher lo a ti chu a awmzia a hriat thiam loh thu a sawi.

Rs 2,000 note hi nimin aṭang khan bank-ah thleng ṭan theih a ni a, September 30 thleng hun hawn a ni.