Court-in SP hruaitu Azam Khan thiam chantir

Uttar Pradesh-a Samajwadi Party hruaitu, Azam Khan chu kum 2019-a inhuatna lam hawi zawnga thu sawia puhna thubuaiah nimin khan court chuan thiam a chantir.

Kum 2019 Lok Sabha inthlanpui neih dawna Uttar Pradesh chief minister Yogi Adityanath-a chungchang mawi lo taka sawiah puhin Azam Khan hi thubuai siamsak a ni a, nikum October thla khan Rampur court hian thiam loh chantirin kum thum tang turin a hrem a, UP assembly member a nihna aṭangin ban a ni bawk.

Khan chuan Rampur court thutlukna hi MP/MLA court-ah a appeal a, court chuan a appeal-na hi a ngaihtuah hnuin nimin khan Khan hi a thubuaiah hian thiam a chantir ta a ni. Khan hi UP-a BJP in sorkarna an chelh hnuah, thubuai 87 zet siamsak a ni tawh.