PM-in Delhi-Dehradun Vande Bharat Express vailiam

Prime minister Narendra Modi chuan nimin khan video conference kaltlangin Delhi-Dehradun Vande Bharat Express a vailiam. Hemi rual hian Uttarakhand-a 100 per cent electrification railway track chu a hawng nghal bawk.

Prime Minister chuan ram pathum tlawha a zin kual a rawn haw chiah tih sawiin, a zinna ramah pawh India laka beiseina sang tak an neih hlawm thu a sawi. "Ram hrang hranga khualzinte chuan India ram tlawh a, a chanchin rawn zirchiangte an chak. Hei hi Uttarakhand state tan pawh a ṭangkai dawn a ni," tiin India ramin chona tam tak hmachhawn chunga a economy a thuam chak dan chu khawvel pawhin an ngaisang a ni, a ti.

Shatabdi Express hmanga Delhi leh Dehradun inkar kalna atana darkar 6 leh minute 10 hun hman ṭhin chu, Delhi-Dehradun Vande Bharat Express hmangin darkar li leh a chanve-ah an thleng thei tawh dawn a ni.