Karnataka CM tualthata puhtu BJP MLA thubuai a siam

Karnataka-a BJP MLA, Harish Poonja chuan chief minister Siddaramaiah chu Hindu worker 24 thatah a puh a, a thusawi avang hian a lakah FIR thehluh a ni.

May 22-a BJP vijayotsava lawmnaa thu a sawiah, MLA Poonja chuan Chief Minister chungchang hi a sawi a, a thusawi video hi a darh zui a ni.

Belthangady Mahila Congress president Namitha K Poojary chuan BJP MLA chu dik lo taka CM chungchang sawiah puhin, complaint a thehlut a, a chunga action lak a phut thu a sawi bawk. Hei bakah he programme huaihawttu, BJP Manala president Jayanat Kotian chungah pawh action la turin a phut bawk.

Police-te chuan BJP MLA leh BJP Mandala President-te hi IPC Section 153, 153A leh 505 hnuaiah thubuai an siamsak a ni.