Prime minister Narendra Modi chuan Pathiannia Parliameng building thar hawnna tur pualin, Rs 75 thir a tlangzarh dawn tih ministry of finance chuan a sawi. 
Ministry-in a tarlan danin, pawisa thir tihchhuah turah hian a hma lam, a laiah Ashoka Pillar lem dahin, a hnuaiah 'satyamev jayate' tih a inziak ang. A sir vei lamah 'bhaarat' tih chu Devnagri script in ziah a ni ang a, a ding lamah 'India' tih English-in a inziak ang. 
A hnung lamah Parliament Complex thlalak dah a ni dawn a, a hnuaiah 2023 tih ziah a ni dawn tih Ministry chuan a sawi. Pawisa thir hi gram 35 vela rit leh, diameter 44.m a ni ang. Silver 50%, copper 40%, zinc 5% leh nickel 5% hmanga siam a ni. 
Supreme Court-ah petition thehluh a ni
Parliament building thar hi prime minister Narendra Modi-a'n a hawng dawn a, hei hi duh loin eptu party tam zawk chuan boycott an tum tih a lo sawi tawh. 
Supreme Court-ah PM Modi-a'n Parliament building thar a hawn tur chungchangah hian advocate Jaya Sukin chuan petition a thetlut a, PM ni loin president Droupadi Murmu zawk chu a hawngtu tur a ni, tiin an tarlang. 
Petition-ah hian Lok Sabha Secretariat leh sorkar laipui chuan President dinhmun chu an hmusit a ni tiin, Parliament building thar hawn chungchanga sawmna an siam dan chu ram danpui palzutna a ni, a ti. President chu India first citizen, Parliament hotu a ni tiin, he thilah hian Supreme Court chu inrawlh turin a ngen a, mahse Court chuan inrawlh a tum lo tih sawiin petition hi a hnawlsak.