Karnataka cabinet minister 24-te vawiinah lalut dawn

Karnataka-a chief minister Siddaramaiah kaihhruai Congress sorkara cabinet minister thar 24-te chu vawiin hian rinawmna thu tiam tira lakluh an ni dawn.

Karnataka-ah hian assembly inthlanah Congress party hneh taka thlan tlin an nih hnuin, state party hruaitute inkarah chief minister dinhmun inchuhna a awm avangin result puan aṭanga ni eng emaw zat chu sorkar siam mai thei loin an awm a ni. Central lama party hruiatute nena an rel ho hnuah, chief minister atan Siddaraimah leh deputy chief minister atan state Congress president DK Shivakumar-te dah an ni a, May 20 khan minister pariatte nen lakluh an ni. Minister pariat lakluh tawhte hi an chanpual sem an la ni lo.

CM leh Dy CM-te hian Ningani khan Delhi-ah cabinet minister ruat belh tur chungchang hi party hotute an sawipui a ni. Congress general secretary in-charge Karnataka Randeep Surjewala, AICC general secretary (organisation) KC Venugopal leh party president Mallikarjun Kharge-te chu a hran ṭheuhin meeting an neihpui.

Assembly seat 224 awmna, Karnataka hian minister hi 34 chin a nei thei a ni.