ISRO-in hlawhtling takin rocket kapchhuak

Indian Space Research Organisation (ISRO) chuan nimin khan navigation satellite NVS-01 phurtu GSLV rocket chu Sriharikota spaceport aṭangin hlawhtling takin a kapchhuak..

Chennai aṭanga km 130 vela hla, Sriharikota spaceport-a laund pad pahnihna aṭangin meter 51.7-a sangah rocket hi kahchhuah a ni a, kahchhuah a nih aṭanga minute 20 velah kg 2,232-a rit satellite chu km 251 vela sanga geosynchronous transfer orbit (GTO)-ah a han dah a ni.

Indian space agency hian satellite a kahchhuah hmang hian Navigation with Indian Constellation (NavIC) services chhunzawm a tum a ni. Indian regional satellite navigation system, NavIC service hi GPS nen a in ang niin, mainland aṭanga km 1,500 chin a huam thei a ni. ISRO hian civil aviation leh military lamin positioning, navigation leh timing lama a mamawhte phuhrukna turin NavIC system hi a siam a ni.