Rs 2,000 thleng dan chungchanga petition thehluh hnawlsak

Reserve Bank of India (RBI)-in Rs 2,000 note tihtawp a nih tur thu leh, bank hrang hrangah slip leh identity proof ngai kher loa thleng theih a nih thu a sawi chungchangah Delhi High Court-ah petition thehluh chu nimin khan court-in a hnawl.

Petition hi advocate Ashwini Kumar Upadhyay thehluh a ni a, ID proof ngai loa Rs 2,000 thleng phal a nih chuan, heng pawisate hi hel, firfiak, Maoist, ruihhloa sumdawng, mining mafia leh kuttling loa eirute kutah a lut thei dawn a ni, tiin RBI kaihhruaina siam hi thlak danglam turin a phut a. RBI lam aiawh chuan hemi chungchang hi monetary policy a ni a, court lam rel tur a ni lo tiin a sawi ve thung

Chief Justice Satish Chandra Sharma leh Justice Subramonium Prasad awmna division bench chuan nimin khan petition hi a ngaihtuah hnuin a hnawlsak ta a ni.