PM-in Parliament building thar a hawng hi a lungawithlak : President Murmu

President Droupadi Murmu chuan May 28-a Parliament building thar prime minister Narendra Modi hawntir a ni chu a lungawithlak hle tih a sawi.

Eptu party-te chuan President ni loa Prime Minister zawk Parliament building thar hawng tura ruat a ni chu na takin an sawisel a, ram danpui bawhchhiatna leh, President dinhmun hliahkhuh tumna a ni tiin, building thar hawnna inkhawm pawh eptu party 20 chuan an boycott a ni.

Pathiannia Parliament building thar hawnnaah khan President hi a tel lo a, a thuchah erawh Rajya Sabha deputy chairman Harivansh-a'n a chhiar chhuak a ni.