Delhi HC-in Manish Sisodia bail dilna hnawlsak

Delhi High Court chuan Delhi deputy minister hlui leh Aam Aadmi Party (AAP) hruaitu, Manish Sisodia-a'n Delhi liquor policy chungchangah Central Bureau of Investigation (CBI)-in case a siamsakah bail a dilna chu a hnawlsak. Sisodia hian Supreme Court lamah kal leh a tum.

Sisodia bail dilna hi justice Dinesh Kumar Sharma awmna, single-judge bench chuan a ngaihtuah a, AAP hruaitu an puhna hi a serious em avangin bail a dilna hi hnawlsak a nih thu a sawi. Sisodia chu thiltithei tak a ni a, bail-a chhuah a nih chuan an puhna chungchangah thuhretute thlengin a hmin thei a ni, a ti.

CBI-in Delhi liquor policy kalpui danah thil dik tawk lo awmah inhnamhnawihah puhin Sisodia hi thubuai a siamsak a, February 26 khan manin Tihar jail-ah a tang mek a ni. June 1 thleng judicial custody-a awm turin court chuan a lo rel tawh a, jail thuneitute hnenah Sisodia hi a tanna pindanah chair leh dawhkan te, lehkhabu chhiar turte dahsak turin a lo hriattir tawh bawk.

Delhi sorkar hian kum 2021, November 17 khan excise policy hi a hmang ṭan a, mahse sawiselna leh thil dik tawk lo awm nia puh a nih hnuah kum 2022, September thla khan a titawp leh nghal a ni.