Ni 4 cham turin Nepal PM a rawn zin

Nepal prime minister Pushpa Kamal Dahal chu nimin khan ni li cham turin a rawn zin.

Nikum December thlaa Nepel PM atana lakluh, Dahal hi prime minister Narendra Modi-a'n a sawmna anga rawn zin a ni a, a cham chhung hian PM bakah president Droupadi Murmu leh vice-president Jagdeep Dhankar-te meeting a neihpui ang.

Dahal cham chhung hian India leh Nepal chuan thawhdunna tur inremnate an ziah rin a ni bawk. Ram pahnihte hian tun hnaia an inlaichinna tihnghehna turin hma an la chho a ni.

India leh Nepal hian Neighbourhood First' policy tihchakna turin high-level exchange hi tihdan phungah neiin, ram hruaitute hi an intlawhtawn fo a ni.