Medical College 40-te pawmpuina titawp, college dang 100 zirchiang mek

National Medical Commission (NMC) chuan thla hnih chhungin India rama medical college 40-te chu NMC Norms an zawm loh avangin a pawmpuina, recognition tihtawp a ni tih a sawi. Medical college dang 100-te pawh zirchian mek an ni bawk.

NMC-in a endiknaah, recognition a tihtawpsak college 40-te hian CCTV camera, Aadhaar-linked biometric attendance procedure leh, zirtritu lak chungchangah NMC-in kaihhruaina a siamte an zawm lo tih hriatchhuah a ni. College 100 zirchian mek zingah pawh recognition tihtawpsak hi eng emaw zat an awm leh rin a ni.

Kum 2014 aṭang khan India ramah medical college a pung chak hle. Union minister of state for health Bharati Pravin Pawar chuan February thla Rajya Sabha-ah kum 2014-a medical college 387 a awm laiin, kuminah chuan 654-ah a pung chho tawh tih a lo hriattir tawh.