Odisha leh West Bengal-ah Cylcone Amphan a tleh

Cylcone Amphan chuan nimin khan Odisha leh West Bengal-a tuipui kamte a nuai a, thingkung leh inte eng emaw zat a chhem tlu a ni. 

Thlipui tleh dawn vang hian Thawhlehni khan Odisha-a tuipui kama cheng mi nuai 1.25 chuang chu hmun him lamah sawnchhuak lawk an ni a, West Bengal-ah pawh mi nuai thum chuang sawnchhuah an ni bawk.

 

State pahnihah hian thlipui tuarte ṭanpui turin national disaster response force (NDRF) team 41 dah lawk an ni a, team khatah hian mi 45 zel an awm a ni. Anni bakah hian state disaster response force, fire leh police deparment mi leh state chu inralring tura hriattir lawk an ni bawk a ni. 

West Bengal-a South 24 Parganas district-a Diamond Harbour-ah pawh Indian Navy diver team chu an hmanrua nen dah lawk an ni a, a ṭul  huna chhanchhuah hna thawk tura che chhuak thei tura inralrin tir vek an ni tih defence thupuangtu chuan a sawi.