May 25 aṭangin thlawhtheihna

Union minister for civil aviation Hardeep Singh chuan May 25 aṭangin ramchhung bikah thlawhtheihna service chhunzawm a ni tawh dawn tih nimin tlai khan a puang. 

Hri leng vangin March 25 aṭang khan cargo flight bik tih loh, ramchhunga thlawhtheihna service chu tihtawp vek a ni a, lockdown pawhsei rualin khap chhunzawm ve zel a ni. Mahse, May 31-a tawp tur, lockdown thawh lina hman mek tawp hmain ramchhung bikah thlawhtheihna service hi phalsak a ni dawn a, hemi atana kaihhruaina siamte chu Ministry of Civil Aviation chuan a hranin a tichhuak bawk. 

Minister chuan airport leh airlines-te chu May 25 aṭanga hna thawk chhunzawm tura inpeih turin hriattir nghal vek an ni, a ti.