June 1 aṭangin special Passenger train tlantir dawn

Indian Railways chuan June 1 aṭangin non-AC special passenger train 200 a tlan tir dawn tih Union Railway minister, Piyush Goyal chuan a sawi. 

Rel tlantir tur hi AC a ni dawn lo a, nitin tlan tur second class a ni dawn a ni. Goyal chuan ticket book theih hun tur hi sorkar chuan thuchhuah chiang zawkin a la siam tur thu a sawi. Kar liam ta khan nitina passenger phur ṭhin, rel  pangngai chu June 30 thleng tlantir a nih dawn loh thu, Indian Railways chuan a lo tarlang tawh a ni.

Sorkar laipui chuan a hmain Shramik Special train a lo buatsaih tawh a, Delhi aṭangin khawpui 15-ah he rel hi a tlan a ni. 

Heng relte hi state danga tangkhangte hruai hawna tura  buatsaih a ni a, state sorkar-te chu kea mahni khuaa haw inhlawhfate zawng chhuaka rel station hnai bera dah turin Indian Railwyas chuan a hriattir. Inhlawhfate hi Shramik specials train-a an haw theih nan state sorkarte hnenah  list siam turin Indian Railways chuan a hriattir bawk.