May thlaa GST lakluh kum hmasa lam aiin 12% in a pung : Finance Ministry

Union finance ministry-in a tarlan danin, May thla chhunga Good & Services Tax (GST) sum lakluh chu nikum May thlaa lakluh aiin 12% in a pung, Rs vbc nuai 1.57 a tling.

May thla chhunga GST sum lakluh hi Rs vbc 1,57,090 niin, Central GST aṭangin Rs vbc 28,411, State GST aṭangin Rs vbc 35,828, Intergrated GST aṭangin Rs vbc 81,363 ( imported goods aṭanga hmuh Rs vbc 41,772 huam telin) leh cess aṭanga hmuh Rs vbc 11,489-te an ni.

Finance Ministry chuan kumin May thla chhunga bungraw lakluh, imported goods aṭanga chhiah tlingkhawm hi nikum May thla aiin 12% a sang a, domestic revenue aṭanga hmuh chu 11% in a sang tih a tarlang bawk. GST lakluh hi a zawna Rs vbc nuai1.5 a chuan ṭum ngana a ni tawh.

Ram pumah domestic revenue aṭanga hmuh chu nikum May thla aiin 11% in a sang a, state 16-te revenue growth a sang zual. Heng zingah hian Mizoram (52%), Arunachal Pradesh (475), Delhi (25%) leh Meghalaya leh Madhya Pradesh (23% ve ve) te an tel. Odisha, Kerala leh Andhra Pradesh-ah 11% a pung a, Karnataka-ah 12% leh Tamil Nadu leh Telangana-ah 13% in a pung bawk.

Hetih lai hian Manipur erawh nikum May thla aiin a lakluh hi 17% a hniam a, Chhattisgarh pawh 4% in a tlahniam bawk a ni.