Parliament building thara Akhand Bharat map Nepal-in sawisel

Parliament building thar banga Akhand Bharat (undivided India) map ziah chu Nepal politician-ten na takin an sawisel.

Banga Akhand Bharat map ziahah hian Gautama Buddha pianna, Lumbini chu India ram chhungah ziah a ni. Mahse he hmun hi Nepal map-ah an cultural centre pawimawh pakhat zingah tarlan a ni thung.

Nepal prime minister hlui, Baburam Bhattarai chuan hemi chungchangah hian thuchhuah siamin, "India Parliament building hawn thara Akhand Bharat mural hian a ṭhenawm ramte, Nepal pawh telin, an inkar boruak chu ṭul lo takin a tichhe thei a ni," a ti.

May 28-a prime minister Narendra Modi-a'n Parliament building thar a hawn khan, he mural hian ngaihven zui a hlawh nghal a, Nepal media lamin an rawn sawisel nghal a ni. Kum 2019, November thla khan India-in policial map a tihchhuahah, Kalpani chu Uttarakhand state huam chhungah a lo dah tawh bawk. Nepal chuan chhang letin map a tichhuak ve nghal a, Kalapani chu an ram chhung a ni tih an rawn tarlang zui a ni.