NCERT-in Class 10 zirlaibua periodic table leh democracy chapter paih

National Council of Educational Research and Training (NCERT) chuan Class 10 textbook aṭangin periodic classification of element, democracy, political party leh Challenges to Democracy chapter a paih.

Science textbook aṭangin Periodic Classification of Elements, Sources of Energy leh Sustainable Management of Natural resources topic paih a ni a, Social Sciences textbook aṭangin Democratic Politics-1-a chapter pathum - Popular Struggles and Movements, Political Parties leh Challenges to Democracy te paih a ni bawk.

NCERT chuan Covid hripui leng nghawng zelah, zirlaite hmakhua thlirin, an zirlai tam lutuk tur tihziaawmna atan chapter tihtlemsak an ni tiin, chapter a paih ṭhen chhan hi a sawi. Hemi rual hian topic paih takte hi Class 11 leh 12-ah an duh chuan an zir chhunzawm thei dawn a ni, a ti.

A hmain Class 10 textbook aṭang hian NCERT chuan Theory of Biological Evolution a lo paih tawh bawk a, hei hi expert lamin an sawisel nasa hle.

Class 9 science textbook aṭangin 'Why do we fall ill' paih a ni tawh bawk. He chapter-ah hian virus leh air-borne disease chungchang zirtir an ni.