NEP Conclave hawnnaah PM Modi-a'n thu a sawi

Prime minister Narendra Modi chuan nimin khan  ‘Conclave on Transformational Reforms in Higher Education under National Education Policy (NEP)’ hawnna inkhawmah thu a sawi a, he conclave hi ministry of education leh University Grants Commission buatsaih a ni. Conclave hawnna inkhawm hi online video conference kaltlanga neih a ni. 

1)    National Education Policy 2020 chu kum ruk lai siamṭhatna tur ngaihtuah a nih hnuah duan chhuah a ni ta a, education sector-a thil inthlak ṭha tak a ni

2)    NEP thar chungchangah sorkar chu ṭan lam nei emaw inthliarhranna awm zawnga policy siam emaw tia sawi­selna thawm a awm lo, hei hi a lawmawm hle. 

3)    Ram dangte chuan an ram leh hnam ṭhatna tur atan education system an siam ṭhin a, chu chu keini ram pawhin kan tum chu a ni. NEP-in a tum ber chu tun mai baka nakin zela kan ram education system in hma a sawn theih nan a ni.

5)    Tunah chuan 'eng nge ngaihtuah tur' tih aṭangin 'eng anga ngaihtuah tur nge' tihah kan lut tawh dawn a ni. 

6)    Zirlaite chu class 5 a nih thleng anmahni pianpui ṭawngin an zirlai an zir thei dawn a ni. 

7)    Ram chhunga zirlai zawng zawngte chuan anmahni duh­thlanna neiin an chak zawng lamah ke an pen thei tawh ang. NEP tharah hian zirlaite chuan an duh zawng course an zir thei tawh dawn a ni.