US-in India a Zin a la khap

US sorkarin hripui leng vanga ram danga zin lo tura America mite tana kaihhruaina a siam, “Do Not Travel” Global Health Advisory chu a titawp a, mahse India ram bikah erawh zin khap a la ni.  

US sorkar chuan March 19 khan travel advisory hi tichhuakin, America mite chu hri leng vangin a ṭul tawp a nih loh chuan ram danga zin chhuak lo turin a ti a ni. State department chuan ram eng emaw zatah hri leng hian ziaawm lam a pan a, an ram boruakin ṭhat lam a pan chhoh avangin zin lo tura mipuite thurawn an pek chu an titawp ta tih a sawi. Mahse India erawh chu 'Level 4: Do Not Travel' tihah dah a la ni thung. 

India ram chu Covid-19 kai theihna chance a la sang a, hei bakah hian India rama an awm laia an dam lo palh a nih chuan damdawi lama inenkawlna lamah harsatna an tawk thei dawn niin state department chuan a tarlang.