Kum 3 hnuah J&K CM hlui Mufti-i passport pe chhuak

Jammu and Kashmir chief minister hlui leh People's Demoratic Party (PDP) hotu Mehbooba Mufti chu 10-year validity passport pek a ni ve ta.

Kum 2019 khan Mufti travel document hi a thi tawh a, tihnunsak leh tura a dilna chu Delhi High Court-ah hun rei tak buaipui a nih hnuin, Inrinni khan pek a ni ve ta a ni. A passport hi June 1, 2023 aṭanga May 31, 2023 thleng a nung ang.

Hun rei tak a dilna tihfel loa a awm avangin, February thla khan Mufti chuan external affairs minister S Jaishankar hnenah a passport chungchang hi ngaihtuah pui turin a ngen hial a, nu kum 80 mi chu Mecca-a biakzina kalpui turin kum thum chhung a nghak tawh tih a sawi.

Delhi High Court chuan March thla khan passport authority hnenah, PDP hotu dilna hi thla thum chhunga ngaihtuah fel turin a ngen a ni.