WFI hotuin June 11-a BJP rally-ah thu sawi dawn

Wrestling Federation of India (WFI) hotu leh Bharatiya Janata Party (BJP Lok Sabha MP Brij Bhushan Singh chuan June 11 hian a constituency, Uttar Pradesh-a Kaiseganj-a BJP-in rally an huaihawt turah thu a sawi dawn.

Hmeichhe wrestler ṭhenkhat chunga mipat hmeichhiat lam hawia mawi lo taka che puh, Singh hian June 5-a Ayodhya-a Jan Chetna Maharally neih a tum chu wrestler-ten an puhna chungchang police-ten an chhui mek avangin sawn a nih thu a lo sawi tawh a ni. Hetih lai hian Ayodhya district thuneitute chuan rally huaihawt phalna hi an pe duh lo nia sawi a ni bawk.

June 11-a Kaiserganj-a rally hi kum 2024 inthlanpui neih tur puala BJP-in Mahasampark Abhiyan a buatsaihna hnuaiah neih tum a ni.