Rel che suala thi fate Adani Group-in an zirna senso tumsak dawn

Kum 30 chhunga India rama rel chet sualna rapthlak leh nasa bera sawi, June ni 2, 2023-a Odisha-a rel chet sualna thlengah khan mi 300 dawnin nunna chanin, mi 100 chuangin hliam an tuar a ni.

Billionaire Gautam Adani chuan, Odisha rel chet sualnaa nu leh pa tam takin an thihsan naupangte tan, an zirna chhunzawmna tur senso zawng zawng a tumsak dawn tih a sawi.

Twitter-ah hemi chungchang hi tarlangin,"Odisha rel chet sualna thleng hi a pawi kan ti em em a ni. Thihnain an nu leh pate nena a then tak, pawi sawi lo naupangte zirna senso hi Adani group chuan kan tumsak vek dawn tih ka sawi duh. Nunna chante leh an chhungte tawrhna chhawk a, naupang dinhmun dawm kan leh hi kan zavaia mawhphurna a ni" tiin a sawi a ni.