India International Cruise hmasa ber - MV Empress

Khualzin 750 phurtu, India-in International Cruise ship a neih hmasak ber, MV Empress chu Thawhṭanni khan Chennai International Cruise Terminal aṭangin Sri Lanka lam panin a chhuak.

Ni nga chhung thang tur cruise hi Sri Lanka-a lawng chawlh hmun pathum; Hambantota, Trincimalee leh Kankesanturei-ah te a chawl ang.

MV Empress hian khualzin 3,000 chin a phur thei a, a man danglam zelin zan hnih, zan thum, zan li leh zan nga riaktein a book theih a ni. India ramah casino game khap ni mah se, cruise hi international sea china a awm chuan khelh phal a ni ang.

Cruise ship vailiamtu, Union Minister of Ports, Shipping & Waterways & Ayush, Sarbananda Sonowal chuan, India ram hmun nawmna leh hnam hrang hrang tamna, tuipui kamte chu India Tourism ṭhan zel nan a remchan thu a sawi.

Sorkar laipui chuan kum 2024-ah international cruise port hi pathum siam belh a tum a, cruise ship pawh kum 2023-a 208 awm chu 2047-ah 1,100-ah a pun chhoh beisei a ni bawk. Hei bakah hian India, Sri Lanka, Thailand leh Myanmar kaltlangin ferry rout siam belh an tum bawk.