NCB-in vaibelchhe tam tak hu ruihhlo an man

Narcotics Control Bureau (NCB) chuan Thawhlehni khan party-drug chi khat, LSD (Lysergic Acid Diethylamide) an tih mai chu ram pum huapa dark-net kaltlanga zuartuho leh smuggler-te zawng chhuakin an man. Ṭum khata ruihhlo an man tam ber nia sawi a ni. LSD an mante hi vaibelchhe sang tam tak man hu a nih thu an sawi.

NCB leh Indian Navy-te hian an thawh dunna aṭangin ruihhlo tam tham tak an lo man tawh bawk. Kum 2022, February aṭanga an lo kalpui tawh, Operation Samudragupta an tih hmangin thla hmasa khan Kerala tuipui kamah Methamphetamine kg. 2,525 zet mai, cheng vaibelchhe sing chuang man an man a ni. He operation Deputy Director General, Sanjay Kumar Singh chuan ṭum khata ruihhlo an man tam ber a nih thu a sawi a ni.

Singh chuan, "NCB leh Indian Navy hian Indian Ocean-a drug tawlh rukte kan lo man tawh ṭhin. Tun ṭuma mi hi Iran rama Chahabar port atanga lo kal, Pakistan rama mi a ni a, a pawisa anga chhuta kan man tam ber a ni', tiin a sawi.