Medical Assessment and Regulatory Board (MARB) din

Ram chhunga medical education-in hma a sawn leh zual theihna tura sorkar laipuiin hma lakna hrang hrang a kalpui mekah, medical college thar din tumte tana dilna an thlenna tur, medical college awm saa seat tihpun tur leh zirlai lak belh zel dante ngaihtuah turin Medical Assessment and Regulatory Board (MARB) a din.

Sorkar laipui thuchhuahin a tarlan danin, MARB hian medical college leh institution-te hlut lam rel leh chhut kawngah te, rating pek kawngah te thu a nei dawn bawk a ni. Medical college leh institution reng reng din emaw, zirlai thar zir emaw, MARB phalna tel lo chuan tih theih a nih tawh loh tur thu a tarlang. MARB-in a tihtur leh tih theihte a puitlinna kawngah hian aiawhtu tur a ruat a nih loh chuan thuneitu tawp a ni ang tih a tarlang tel bawk.