Ni 5 chhunga a vawi hnih nan Wrestler-te'n sorkar hruaitu an kawm

Wrestler hmeichhiate laka mawi lo taka chea puh, Wrestling Federation of India (WFI) hotu lu ber, BJP MP ni bawk, Brij Bhushan Singh ban phuta January thla aṭanga nawrh huaihawt tawh Wrestler ṭhahnem takte chuan sawmna an dawn angin nimin khan Sports Minister Anurag Thakur chu a chenna inah an hmu.

Wrestler-ho aiawh hian Bajrang Punia leh Sakshee Malikkh-te chuan Sports Minister hi an kawm a, an thil phut panga an sawipui leh a ni.

Wrestler-te hian WFI hruaitu thar thlanna buatsaih, WFI hruaitu atan hian hmeichhia dah, Brij Bhushan Singh leh a chi leh kuangte reng reng WFI-a inrawlhtir tawh lo turtein sorkar hi an phut. An nawrh huaihawt avanga thubuai siamsak an nihnate pawh hnukkir leh vek turin an phut tel bawk.

Sorkar lam chuan wrestler-te thil phut hi tihhlawhtlinsak an duh laiin, an party MP, Brij Bhushan Singh man tura an phutna erawh an mu tan a la ni rih a ni.