Ram dang aṭanga milim lak lette Parliament building tharah dah dawn

India ram aṭanga milim hlu tak tak rukchhuah, tun hnaia lak let leh tak 14-te chu Parliament building hawn tharah dah a ni dawn.

Parliament building hluiah khan lemziak leh milim ang chi dahna a awm lo a, mahse, May ni 28-a Prime Minister Narendra Modi-a'n a hawn, Parliament building tharah hian heng milim lak let 14-te dahna tur hi siam a ni dawn. Hemi bakah hian hmeichhiate hnathawh leh tribal hruaitu ropui te, India-in zalenna a sualna kawnga thawh hlawk tak takte sulhnu lantir thei lemziak chi hrang hrang dah tum a ni bawk. Heng milem dahna hmun (Gallery)-ah tho hian Lok Sabha din tirh a nih aṭanga M.P. lo ni tawh zawng zawngte chanchin tarlan theihna tur, digital wall a awm dawn bawk a ni.

Culture ministry-a official chuan, "Building hluiah kha chuan lem ziah leh lim ang chi reng reng kha mumal taka dah a ni lo a, building tharah erawh chuan uluk leh felfai tak, a dahna tura hmun siam bikah vek kan dah tawh dawn a ni", a ti.