Social media post vangin Maharashtra-ah buaina chhuak

Maharashtra-a Kolhapur-ah Hindu sakhua zuitu ṭhenkhatte'n social media-a thil post vang nimin khan nawrh an huaihawt a, buaina a chhuak chhunzawm.

Nawrh huaihawt a nih chhan hi social media lama tute'n emaw Aurangzeb leh Tipu Sultan chungchang post an siam vang a ni. Nawrh huaihawttu, Hindu-te chuan he post hi Aurangzeb leh Tipu Sultan-te chawisan tumna nia an ngaih avangin an duh loh thu leh, post siamtute hi hrem ngei an duh thu an sawi. Aurangzeb leh Tipu Sultan te hi Muslim-te'n India ram an awp lai, Mughal Empire-a an lalte zinga mi an ni.

Kolhapur Superintendent of Police, Mahendra Pandit chuan,"Pawl ṭhenkhat inthurualin Kolhapur-a bandh huaihawt an rel a, Shivaji Chowk-ah pung khawmin lungte an vawm a, dawr leh lirtheite an suasam tak avangin buaina a punlun loh nan police-te pawhin tharum hmanga nawr kian tumin kan bei ve ta a ni", a ti.