AAP-in Maha Rally a huaihawt

Delhi-a rorel lai, Aam Aadmi Party (AAP) chuan nimin khan Ramlila Maidan-ah 'Maha Rally' a huaihawt.

AAP hian Supreme Court-in Delhi sorkar official-te service chungchanga thuneihna Delhi sorkar kuta a pek hnuah, he thupek hnawlna tura BJP kaihhruai sorkar laipuiin May ni 19-a ordinance a siam duh lohna lantirna atan rally hi a buatsaih a ni.

Delhi Chief Minister Arvind Kejriwal chuan, "Kum 12 liam taah khan eiruk dona atan Ramlila Maidan-ah hian kan lo pung khawm tawh a, vawiinah hian dictator paihthlak a nih theihna atan kan pung khawm leh a ni. He campaign hian rah ṭha a chhuah ngei ang," a ti.

Kejriwal chuan, India rama a thlen vawi khatna atan; Prime Minister chuan Supreme Court thupek a zawm dawn lo tih a sawi a ni tiin, "Mipuite pawhin hetiang taka a inluling hi mak an ti. Hei hi dictatorship chu a ni. Modi-a ordinance chuan Supreme Court thupek a hnawl a, hei hi Delhi mipuite hmuhsitna a ni bawk," tiin a sawi.