SC-in Delhi khawpuiah 2-wheeler taxi tlan khap

Supreme Court chuan nimin khan Delhi khawpuia two-wheeler taxi tlan khapna thupek a tichhuak.

Court chuan Delhi sorkarin two-wheeler taxi tana policy a siam hma chu tlan a khap a, Delhi sorkar chuan June ni 30-ah policy hi peih fel hman a nih tur thu a sawi.

Kumin February thla khan Delhi sorkar chuan thuchhuah siamin, khawpui chhungah two-wheeler taxi tlan a khap a, dan zawm lo chu Rs. nuai 1 thleng chawitir theih a nih tur thu a sawi. Rapido chuan sorkar thuchhuah hi Delhi High Court-ah khingin, sorkarin tlan a khapsak chu fundamental leh constitutional rights palzutna a ni a ti. May ni 26 khan Delhi High Court chuan sorkar thuchhuah hi a dansak a, two-wheeler taxi te hi an tlan phalsak leh an ni.

Delhi sorkar chuan High Court-in two-wheeler taxi-te tlan a phalsakna hi Supreme Court-ah a khing a, nimin khan justice Aniruddha Bose leh Rajesh Bindal chuan ngaihtuahin, sorkarin policy a siam fel hma chu khawpui chhungah two-wheeler taxi-te tlan hi khap a ni leh ta a ni.