Rajasthan-ah BJP-in Congress sorkar laka lungawi lohna lantir

Bharatiya Janata Party (BJP) chuan Rajasthan-a Chief Minister Ashok Gehlot kaihhruai Congress sorkar chu eirua puhin, nimin khan lungawi lohna an lantir.

BJP worker-te hian Jaipur-ah Secretariat panin kawng an zawh a, police-te chuan kawngzawhte danna an siam bakah, mipui hnawh darhna atan water cannon-te an hmang bawk.

BJP Rajya Sabha MP Kirodi Meena chuan CM Gehlot chu eirua puhin, an state Jal Jeevan Mission leh mines lama sum tihchingpen a nihte an la pho chhuak dawn tih a sawi. "Gehlot-a kaihhruai sorkarah eirukna a hluar a, Department of Information and Technology (DoIT)-ah sum tihchingpen Rs. vbc 5,000 hu awm chu anti-corruption bureau-te'n an chhui dawnin Chief Minister-in a remti lo a ni," a ti. India rama a thlen ṭum khatna atan sorkar building-ah pawisa fai, Rs. vbc 2.31 leh rangkachakte hmuh a ni bawk a ni, a ti.