Goa eptu member-te'n Assembly-a LS Speaker thusawi boycott

Goa-a eptu party-te chuan nimina Lok Sabha speaker, Om Birla-a'n state legislative assembly-a thu a sawi chu an boycott.

Lok Sabha Speaker hian nimin zing khan Goa Assembly-a hian 'Vikasit Bharat 2047' thupui hmangin thu a sawi a, mahse, he hunah hian eptu pawl - Congress, Aam Aadmi Party (AAP), Goa Forward Party (GFP) leh Revolutionary Goans Party (RGP) member-te erawh an tel duh lo.

Leader of opposition Yuri Alemao chuan, Congress party hruaitu Rahul Gandhi chu defamation case-a thiam loh chantir a nih hnuah, Birla hian insawi fiahna hun a pe duh lo a, Parliament member a nihna hlihsak zui nghal a ni tiin, Speaker thiltih danah lungawi lohna lantir nan, Assembly-a a hun hman hi an boycott tih a sawi.