Karnataka-in sakhaw inleh khapna dan sût dawn

Karnataka-a Congress sorkar chuan sakhaw inleh khapna dan tia hriat lar, State's Protection of Right to Freedom of Religion Act, 2022 chu sût a ni dawn tih a sawi.

State cabinet chuan nikuma Kannada leh Social Studies school textbook tihdanglam a, Hindutva ideology lesson telna pawh chu thlak let leh a remti bawk.

Thla hmasaa Karnataka-a Congress sorkar thar a din hnuah, Ningani khan cabinet meeting ṭum hnihna hi neih a ni. Sorkar hmasa, BJP sorkarin sakhaw inleh khapna dan a lo siam tawh chu sut a, zirlaibua Hindutva ideology zirlai a dah telte chu thlak an rel a ni. Hei bakah hian loneitu pawl hrang hrangin an dodal, BJP sorkarin Agriculture Produce Marketing Act a siam ṭhat pawh ṭhiah an rel bawk. Heng bill-te hi July 3-a Budget session neihah pharh hmasakah an nei dawn tih state law and parliamentary affairs minister H.K.Patil chuan a sawi.