India rama hri kai hmuh chhuah tam ber ni a thleng leh
Ministry of Health and Family Welfare-in nimina report an tihchhuahah hri kai hmuh chhuah thar mi 64,399 lai an awm leh a, hei hi ni khata hri kai hmuh chhuah tam ber ni a ni leh.
Hri len ṭantirh aṭanga nimin thleng khan India ram hmun hrang hrangah hri kai hmuh chhuah 21,53,010 lai a awm tawh bawk a, hri kai hi an pung chak hle a ni. Hetihlai hian enkawl dam pawh an pung chak a, nimin khan mi 53,879 chu dama puan leh niin hri kai enkawl dam 14,80,884 an awm tling tawh a, mi 6,28,747-in hri kai mekin, hri kai mek aiin enkawl dam tawh hi a let aia tamin an tam zawk.
Ramchhung hmun hrang hrangah mi 861-in hri an thihpui leh tih MoHFW chuan tarlangin hri vanga thi mi 43,379 an awm ta a ni. Thihpui tawh rate hi 2.01% a nih laiin enkawl dam tawh rate chu 68.78% a ni a, hri kai mek rate hi 29.20% a ni thung.
Maha-ah nuai 5 chuangin Covid-19 kai tawh
India ram State/Union Territory zinga Covid-19 kai tam ber Maharashtra-ah chuan nimin thleng khan hri kai 5,03,084 lai an awm tawh. Niminah khan hri kai hmuh chhuah thar 12,822 awm lehin dama puan 11,081 an awm bawk a, hei nen hi mi 3,38,362 chu enkawl dam an ni tawh.
Hri kai mek 1,47,355 an la awm bawk a, mi 275-in an thihpui leh avangin Maha-ah ringawt hian mi 12,367 -in an thihpui tawh a ni.