UP-ah khaw lum avangin mi 54 an thi; Mi 400 damdawi inah enkawl an ni

Uttar Pradesh-a Ballia district hospital-ah chuan ni thum chhungin khaw lum lutuk avangin mi 54 an thi tawh a, mi 400 enkawl mek an ni bawk.

UP-ah hian khaw lum a zual zel a, hmun tam takah chuan temperature tehnaa 40 degree celcius chung lamte a awm. Hei vang hian khawsik, thawhah leh harsatna dang dang vanga damdawi ina enkawl ngai pawh an pung nasa hle.

Azamgarh Circle-a additional health director, Dr. BP Tiwari chuan an hriat si loha hri leng a awm em tih zir chiang turin Lucknow aṭangin mi thiamte an kal thu a sawi. Khaw lum emaw khaw vawt emaw a zual hian, thawk lama harsatna nei, zunthlum nei leh BP sang neite dinhmun a hlauhthawnawm ṭhin a, khaw lum lutuk hian thihna hial pawh a thlen thei a ni tiin a sawi.