Union minister pahnihin hri kai

Union minister pahnih, Kailash Choudhary leh Arjun Ram Meghwal te chuan Covid-19 an kai tih an sawi. Junior minister for heavy indus­tries and parliamentary affairsArjun Ram Meghwal Covid-19 a kai tih Inrinni khan a sawi. Minister chuan a ngaihtuah­awm loh thu sawiin, symptom a neih avangin a in test a, a vawi hnihnaah a positive tih a sawi.

Doctor-te thurawn angin AIIMS-ah a lut a, amah nena inhnaihna lo neite chu an hriselna dinhmun enfiah turin a chah. Meghwal hian July thla khan Covid-19 laka invenna atan papad brand chi khat, 'Bhabhiji papad' a ṭhat thu a lo sawi tawh a, he a thusawina video hi social media lamah a darh nasa hle a ni. 

Union Minister of State for Agriculture Kailash Choudhary pawhin coronavirus a kai thu leh, Rajasthan-a Jodhpur damdawiin-ah a inenkawl thu a sawi. Minister hi a bial, Jaisalmer tlawhin ni thum thangin a zin a, a zinnaah hian hmun eng emaw zat a tlawh kual hman a ni. Hei vang hian amah nena inhnaihna lo neite chu midang lak aṭanga inkhung hrang a, in test tir ve nghal turin a chah.