Ralthuam thil chi hrang 101 lakluh rem ti lo
Ramchhunga defence thil siamchhuaktute (domestic defence industry) tihhmasawn an nih theih nan, defence minister Rajnath Singh chuan nimin khan ram pawn aṭanga ralthuam thil chi hrang 101 lakluh chungchangah khuahkhirhna a siam thu a puang.
Khuahkhirhna siam, ralthuam chi hrang 101 zingah hian artillery gun, assault rifle, corvette, sonar system, transport aircraft, light combat helicopter (LCHs), radar leh thil dangte pawh a tel. Singh chuan kum 2020-24 inkar atan ram pawn aṭanga ralthuam thil chi hrang 101 lakluh chungchanga khuahkhirhna hi siam a nih thu a sawi a, kumina sorkar laipuiin a hawn Atmanirbhar Bharat (mahni intodelh) tih hlawhtlinna tur a nih thu a sawi bawk.