Air India chesual Black box chhar

Kar liam ta Zirtawpnia che sual, Air India Express IX 1344-a black box, digital flight data recorder (DFDR) chu a chetsualna hmunah hmuh a nih thu  Aircraft Accident Investigation Bureau (AAIB) a sawi. 

Black box an chhar aṭang hian thlawhtheihna chetsual chhan hi eng emaw chen chu hriat theih beisei a ni a, black box-a pilot leh co-pilot voice record chu Delhi lamah zirchian tura thawn a ni. Civil Aviation minister Hardeep Singh Puri chuan he chetsualnaa thi chhungte hnenah hian zangnadawmna cheng nuai 10 pek an nih tur thu a sawi a, hliam nasa zualte tan cheng nuai 2 pek an nih tur thu leh hliam tenaute tan Rs 50,000 pek an nih tur thu a sawi. 

He thlawhtheihna hi Dubai aṭangin Kerala-a Kozhikode airport-ah kar liam ta Zirtawpni zan khan a rawn ṭum a, mahse a ṭum hmunah hian a chesual zui ta a ni. He chetsualna thlengah hian mi 18 an thi a, an zingah hian pilot leh co-pilot pawh an tel.