UP-a mi 54 thihna khaw lum vang a ni lo niin mithiamte'n an sawi

Khaw lum a zual zel laia Uttar Pradesh-a Ballia district hospital-a mi 54 thihna leh mi 400 damdawi-ina enkawl ngaia an awmna chu khaw lum vang a ni lo, tiin an chungchang zir chiang tura Lucknow atanga mithiam kalte chuan an sawi.

Sorkar doctor senior pakhat, AK Singh chuan,"Hriat dan hmasa kan neih, khaw lum vanga thi nia kan hriat kha hemi district chhehvel leh khaw bul hnaia khaw lum tuar ve thote dinhmun enin thil ni thei a ni lo. Mitthite harsatna tawh tlangpui kha an awm bawra inṭan a ni a, chu chu khaw lum avanga harsatna neite tawh ṭhin a ni lo," tiin a tarlang.

AK Singh chuan,"Heng thihna hi chhan dang a awm leh awm loh chhui zel a ni ang a, kan dinhmun en tur hian climate department-te pawh an lo kal ang," tiin UP-a mi 54 thihna chu tui vang pawh a ni thei tih thu a sawi.

Ballia district hospital-a Chief Medical Superintendent rank doctor pakhat, thu chiang hre lo leh a rin thua khaw lum avanga thihna thleng anga sawitu chu a nihna hlihsak a nih thu UP health minister Brajesh Pathak chuan a sawi a ni.