Ladakh palaiten MHA official-te an hmu

Ladakh union territory palaite chuan Thawhtanni khan Union Ministry of State for Home Affairs panel hmuin, an thil phut palite an theh lut.

Member paruk awmna, Ladakh palaite hian Ladakh Union Territory High-Powered Committee neih hmain union minister Nitayanand Rai kaihhruai panel hi an hmu hmasa a ni. An thil put an tarlante hi Ladakh chu state puitlinga hlankai, Constitution Sixth Schedule hnuaiah Ladakh UT tana special status pek, Leh leh Kargil tana Lok Sabha seat hran siam leh, tualchhung mite tan sorkar hnaa reservation siamsak a ni.

Sorkar laipui leh Ladakh hruaitute hian August 29, 2021 khan inbiakna neih an lo tum tawh a, rokhawlhna avangin an ṭhulh a, thla 22 zet a ral hnuah inbiakna an nei thei leh chauh a ni. Ladakh palaite hian High-Powered Committee-a an tel dawn chuan heng an thil phut palite hi tihhlawhtlin hmasak an duh thu an sawi.

Ladakh palaite hi Lok Sabha MP ṭum hnih lo ni tawh Thuptan Chhewang, Jammu&Kashmir state a nih laia minister lo ni tawh Chering Dorjay leh Nawang Rigzin Jora bakah, minister hlui tho Qamar Alo Akhoon, MLA hlui Haji Asgar Karbalai leh activist, Sajjad Kargili-te an ni.