Patna-ah eptu party hruaitute inhmu khawm

Bihar khawpui, Patna-ah nimin khan eptu party meeting neih a ni a, he hunah hian eptu party 15 aṭangin hruaitute an tel.

Meeting hi Bihar Chief Minister Nitish Kumar leh a deputy, Tejashwi Yadav-te'n lo thlengin, eptu pawl hrang hrangte chuan kum 2024 Lok Sabha inthlanpui neih tura thawhho dan turte an ngaihtuah a ni.

High-level Opposition meeting hmasa berah hian Congress President Mallikarjun Kharge bakah Rahul Gandhi, Chief Minister, Mamata Barnerjee te, Arvind Kejriwal, Bhagwant Mann, MK Stalin, Hermant Soren bakah Samajwadi Party hotu Akhilesh Yadav, Uddhav Thackeray, NCP presidnet Sharad Pawar-te an tel. PDP, CPI(M), CPI, CPI(ML) leh National Conference hruaitute pawh an tel bawk.