Trade Union-te'n G-20 meeting boycott

Central Trade Union (CTU) 10 intel khawm chuan sorkar laipuiin G20 hnuaia trade union Labour20 (L20) meeting hotu atana Rashtriya Swayamsevak Sangh-in a thlawp trade union, Bharatiya Mazdoor Sangh (BMS) a dah avanga lungawi lohna lantir nan, Ningani aṭanga Patna-ah L20 meeting neih an boycott.

CTU te hian L20 meeting hi International Trade Union Confederation (ITUC) in a kaihhruai ṭhin thu leh, BMS hi ITUC member pawh a nih ve loh thu an sawi. BJP sorkarin ITUC ngenna anga Indian National Trade Union Congress (INTUC) chu L20 meeting hotu atana ruat duh lo a, BMS chu ram chhunga trade union lian ber anga a chhal chu an duh loh thu an sawi.

Bihar govenror Rajendra Vishwanath Arlekar chuan L20 meeting hi Ningani khan a hawng a, BMS President Hiranmaye Pandaya chuan meeting hi a kaihruai a ni. Meeting thupui atan hian "Social Security and International Protability of Social Security Fund and Women and Future of Work" tih hman a ni.