NIA-in rinhlelh thilah Kashmir hmun ṭhenkhat an dap

National Investigation Agency (NIA) chuan nimin khan Jammu and Kashmir-a district pali, Bandipora, Kulgam, Pulwama leh Shopian huam chhunga hmun 13 chu firfiaka chetna kaihhnawih case-ah an dap.

NIA-in case a chhui mek pahnih zinga pakhat hi Delhi-a NIA branch-te'n 2012-a an ziah luh niin, pakhat hi anti-terror agency, Jammu branch-te'n 2021- a an ziah luh a ni ve thung.

Heng case kaihhnawihah hian NIA chuan May 15 khan hmun ṭhenkhat dap hna hi a kalpui ṭan a, rinhlelh zual bakah Overground Workers (OWGs) hnuaia an mi leh sate chetna ṭhin nia hriatte an dap bawk. Nikum December 22 khan Kulgam, Pulwama, Anantnag, Sopore leh Jammu district-ahte hmun 14 an lo dap tawh bawk.