J&K a ralmuan hunah AFSPA kan hlip ang : Rajnath Singh

Union Defence Minister Rajnath Singh chuan Thawhṭanni khan Kashmir News Observer (KNO) reporter-te hmaah thu sawiin,"Armed Forces Special Power Act (AFSPA) hi Jammu and Kashmir-a remna leh muanna a awm tak tak hunah hlih a ni ang," a ti.

"North-East-a helna kan titawp tawh a, left wing kal firfiak takte pawh kan thunun tawh bawk. North-East-a hmun tam zawkah chuan AFSPA hi hlih a ni tawh. Jammu and Kashmir-a remna leh muanna nghet tak a awm huna AFSPA hlih a nih hun tur hi kei pawhin ka nghak reng a ni," tiin Jammu-a security chungchang intawh khawmnaah a sawi.

Rajnath Singh hian J&K-a AFSPA a la nih tur thu hi sawi mah se, hlih a nih hun tur chungchangah erawh engmah sawi a nei lo a ni.