Gujarat-in semiconductor plant dinna tur inremna ziahpui dawn

Gujarat sorkar chuan American computer storage chip siamtu Micron Technology chu Ahmedabad district-a Sanand hmuna semiconductor plant leh test facility dinna turin, Nilaini khan inremna, Memorandum of Understanding (MoU) a ziahpui.

USD tld 2.75 hu inremna hi nimin tlai khan Gandhinagar-ah ziah a ni a, Chief Minitser Bhupendra Patel leh official dangte'n an telpui a ni.

Semiconductor plant hi sorkar laipui scheme Modified Assembly, Testing, Marking and Packaging (ATMP) hriatpuinaa din tur a ni. He scheme hnuaiah hian Micron hian project thawhnaa an senso zawng zawnga aṭanga 50% chu sorkar laipui aṭangin a dawng dawn a, hei bakahhian Gujarat sorar aṭangin ṭanpuina angin 20% a dawng bawk ang.

Semiconductor plant hi phase-a sak tur niin, kumin aṭangin thawh ṭan a ni ang. Phase-1 ah hian a hmun hma square feet 500,000 zo phawt tura beisei niin, hei hi kum 2024 aṭanga hman ṭan theih tur a ni tiin Micron Technology lam chuan an sawi.

Micron company chuan he plant din turah hian hna thar 5,000 siam belh a ni ang a, kum eng emaw ti chhung chu khawtlang mite tana inhlawhna tur 15,000 tal a awm belh bawk ang tiin an sawi.