President-in sipai hnathawk ṭhate chawimawina hlan

President Droupadi Murmu chuan Thawhlehni khan Rashtrapati Bhavan-ah armed forces hnuaia hnathawk ṭhate hnenah chawimawina, Distinguished Service Awards a hlan.

Awards hi Indian armed forces leh Indian Coast Guard hnuaia mi, service lai leh chawl tawh mi 84 hnenah hlan a ni. Mi 52 hnenah Ati Vishisht Seva Medal (AVSM) hlanin, mi 28 hnenah Param Vishisht Seva Medal (PVSM), mi pathum hnenah Uttam Yudh Seva Medal (UYSM) leh AVSM hnenab Bar a hlan a ni. He hun hi Prime Minister Narendra Modi leh mi pawimawh dangte'n an hmanpui a ni.

Chawimawina hlan zingah hian Kashmir valley-a LoC vengtu Srinagar-based Chinar corps-a commander ni thin, Lt. Gen. ADS Aujla chu Uttam Yudh Seva Medals (UYSMs) chawimawina hlan a nih thu an sawi bawk.

President Murmu hian May 9 khan Army, paramilitary leh police mi 8-te hnenah duty laia an huaisen leh hnathawh ṭhat avangin chawimawina sang Kirti Chakras leh mi 29 hnenah Shaurya Chakras a hlan tawh bawk a ni.